သမ္မတဦးသိန်းစိန်ထံသို့ သမ္မတရုံးဝဘ်ဆိုဒ်မှတဆင့် ပေးပို့ခဲ့ပြီးသော အိတ်ဖွင့်ပေးစာ

သို့

သမ္မတ ဦးသိန်းစိန်

သမ္မတ
ပြည်ထောင်စုသမ္မတမြန်မာနိုင်ငံတော်အစိုးရအဖွဲ့
နေပြည်တော်၊ မြန်မာနိုင်ငံ။

အကြောင်းအရာ ။ ။ ဘာသာရေးအဓိကရုဏ်းဖန်တီးရန် ရည်ရွယ်၍ အစ္စလာမ်ဆန့်ကျင်ရေး လုပ်ငန်းများ ဆောင်ရွက်နေသောသူများကို တည်ဆဲဥပဒေများအရ ထိထိရောက်ရောက် အရေးယူပေးရန် ပန်ကြားတင်ပြခြင်း။

လွန်ခဲ့သည့် ၂၀၁၂ ခုနှစ်၊ နိုဝင်ဘာလမှ စတင်၍ ကရင်ပြည်နယ်နှင့် အချို့ဒေသများတွင် အစ္စလာမ်ဆန့်ကျင်ရေး၊ မုစ်လင်မ်ဆန့်ကျင်ရေး စာရွက်စာတမ်း၊ လက်ကမ်းကြေညာ စာရွက်များ ထုတ်ဝေဖြန့်ချိနေခဲ့ကြခြင်း၊ ဥပဒေဆန်ဆန် အမိန့်ကြေညာစာများ ထုတ်ပြန်နေခဲ့ ကြခြင်း၊ အချို့မီဒီယာများဌာနများမှ မသုံးနှုန်းထိုက်သည့် အသုံးအနှုန်းများကို သုံးနှုန်းနေခြင်းနှင့် မခိုင်လုံသော သတင်းများကို ထည့် သွင်းဖော်ပြနေကြခြင်း၊ တရားဓမ္မပွဲများ၌ မိမိသက်ဝင်ယုံကြည်ရာ ဘာသာတရားနှင့် အလျဉ်း မသက်ဆိုင်သည့် အစ္စလာမ့်ဆန့်ကျင်ရေး၊ မုစ်လင်မ်ဆန့်ကျင်ရေးစကားများကို တရားသဏ္ဍာန်ဖြင့် ဟောပြော ပို့ချနေခြင်းတို့ကို ခိုင်လုံသော အထောက်အထားများဖြင့် လေ့ လာ တွေ့ရှိရပေသည်။ ထိုသို့ အစ္စလာမ်ဆန့်ကျင်ရေးများ ဆောင်ရွက်နေခြင်းသည် သက်ဝင်ယုံကြည်မှု ဘာသာတရား ကွဲပြား ခြား နားသော ပြည်သူများအကြား အမုန်းတရားများကို ဖြစ်ထွန်းလာစေ၍ တစ်ဖက်နှင့် တစ်ဖက် မုန်းတီးခြင်း၊ ရန်မူခြင်း၊ စိတ်ဝမ်းကွဲခြင်း များ ပေါ်ပေါ်လာရန် အကြောင်းတရားများကို ဖန်တီးနေကြပေသည်။ ထိုကဲ့သို့သော လုပ်ရပ်များသည် ၂၀၀၈ ခုနှစ် ဖွဲ့စည်းအုပ်ချုပ်ပုံ အခြေခံဥပဒေ၏ အောက်ဖော်ပြပါ ဥပဒေနှင့်လည်း ဆန့်ကျင်နေပေသည်။

၂၀၀၈ ခုနှစ် ဖွဲ့စည်းပုံအခြေခံဥပဒေ၊ ပုဒ်မကြီး၊ ၃၆၄ တွင် ဖော်ပြထားသည်မှာ “ထို့ပြင် လူမျိုးရေးကြောင့်သော်လည်းကောင်း၊ ဘာသာရေးကြောင့်သော်လည်းကောင်း တစ်ဖက် နှင့်တစ်ဖက်၊ တစ်ဂိုဏ်းနှင့်တစ်ဂိုဏ်း မုန်းတီးခြင်း၊ ရန်မူခြင်း၊ စိတ်ဝမ်းကွဲခြင်း တစ်မျိုး မျိုး ပေါ်ပေါက်လာစေရန် ရည်ရွယ်သော သို့မဟုတ် ပေါ်ပေါက်လာရန်အကြောင်းရှိသော အပြုအမူသည် ဤဖွဲ့စည်းပုံအခြေခံဥပဒေနှင့် ဆန့်ကျင်သည်။ ထိုအပြုအမူမျိုးအတွက် ပြစ်ဒဏ်ပေးနိုင်ရန် ဥပဒေ ပြဌာန်းနိုင်သည်။”

သို့သော် အထက်ဖော်ပြပါ ၂၀၀၈ ခုနှစ် ဖွဲ့စည်းပုံအခြေခံဥပဒေပါ ပြဌာန်းချက်များကို ချိုးဖောက်၍ ထိုသို့သောလုပ်ရပ်များကို ဆောင် ရွက်နေသောသူများအား အောက်ခြေရှိ အုပ်ချုပ်သူ အာဏာပိုင်များအနေနှင့် ထိရောက်စွာ အရေးယူခြင်းမပြုပဲ မသိကျိုး ကျွန်ပြု ၍ နေကြပေသည်။ သို့ပါ၍ ၂၀၀၈ ခုနှစ် ဖွဲ့စည်းပုံ အခြေခံဥပဒေပါ ယင်းပြဌာန်းချက်နှင့် အခြားတည်ဆဲဥပဒေများကို ချိုးဖောက်နေ ကြသော သူများအားလုံးကို ပြင်းပြင်းထန်ထန် ထိရောက်စွာ အရေးယူပေးပါရန် ကျွန်ုပ်တို့ အစည်းအရုံးမှ သမ္မတကြီးအား တိုက် ရိုက် လေးလေးနက်နက် တောင်းဆိုလိုက်ပါသည်။ ထို့ပြင် ယခုကဲ့သို့ အပြစ်မဲ့ ပြည်သူများ၏အသက်၊ အိုးအိမ်၊ စည်းစိမ်၊ ဂုဏ်သိက္ခာများ ပျက်စီးဆုံးရှုံးစေမည့် မြန်မာနိုင်ငံသား ဗုဒ္ဓဘာသာဝင်များနှင့် အစ္စလာမ်ဘာသာဝင်များအကြား ဘာသာရေး အဓိကရုဏ်း ဖန်တီးရန် ရည်ရွယ်၍ အစ္စလာမ်ဆန့်ကျင်ရေးလုပ်ငန်းများ ဆောင်ရွက်နေခြင်းကို ကျွန်ုပ်တို့ မြန်မာ့မုစ်လင်မ်လူထုကြီး တစ်ရပ်လုံးမှ ပြင်းထန်စွာ ဆန့်ကျင်ကန့်ကွက်ကြောင်း ပြောကြားလိုက်ပါသည်။

ကျွန်ုပ်တို့ အစည်းအရုံးမှ လွန်ခဲ့သည့် ၂၀၁၂ ခုနှစ်၊ နိုဝင်ဘာလ (၂၂) ရက်တွင် တစ်ကြိမ်၊ ၂၀၁၃ ခုနှစ်၊ ဇန်န၀ါရီလ (၂၂) ရက်နေ့တွင် တစ်ကြိမ်၊ နှစ်ကြိမ်တိုင်တိုင် မြန်မာနိုင်ငံသား ဗုဒ္ဓဘာသာသာဝင်များနှင့် အစ္စလာမ်ဘာသာဝင်များအကြား ဘာသာရေးအဓိကရုဏ်း ဖန်တီးရန် ရည်ရွယ်၍ အစ္စလာမ်ဆန့်ကျင်ရေး လုပ်ငန်းများ ဆောင်ရွက်နေခြင်း ကို ပြင်းထန်စွာ ဆန့်ကျင်ကန့်ကွက်ကြောင်း ကြေညာ ချက် ထုတ်ပြန်ခဲ့ပါသည်။ သို့သော် ထိုသို့ ကန့်ကွက်ခဲ့သော်လည်း အစိုးရအာဏာပိုင်များမှ မည်သို့မျှ ထိရောက်စွာ အရေးယူပေးခဲ့ခြင်း မရှိခဲ့၍ ယခု သမ္မတ ဦးသိန်းစိန်ထံသို့ လေးလေးနက်နက် စာရေးသား၍ တောင်းဆိုရခြင်း ဖြစ်သည်။ သို့ပါ၍ နိုင်ငံတော်သမ္မတ ဦးသိန်း စိန်နှင့်တကွ အစိုးရအဖွဲ့အစည်းရှိ အာဏာပိုင် အကြီးအကဲများအနေနှင့် ယင်းကဲ့သို့ ဘာသာရေး အဓိကရုဏ်းများ ပေါ်ပေါက်လာအောင် ဖန်တီးနေသည့် ရာဇ၀တ်မှုများကို ကျူးလွန်နေကြသောသူများကို ကျောသားရင်သား မခွဲခြားပဲ ပြင်းထန်စွာ ထိထိရောက်ရောက် တရားဥပဒေနှင့်အညီ အရေးယူပေးပါရန် မြန်မာ့မုစ်လင်မ်လူထုတစ်ရပ်လုံး၏ ကိုယ်စား ကျွန်ုပ်တို့မှ ထပ်မံ၍ လေးလေးနက်နက် တောင်း ဆိုလိုက်သည်။ အကယ်၍ သမ္မတဦးသိန်းစိန် ဦးဆောင်သည့် မြန်မာနိုင်ငံ၏ အစိုးရအာဏာပိုင်များမှ အထက်ဖော်ပြပါ ဘာသာရေး အဓိကရုဏ်း ဖန်တီးနေကြသည့် တရားခံများအား ဥပဒေအရ ထိထိရောက်ရောက်၊ လျှင်လျှင်မြန်မြန် ဖော်ထုတ်၍ အရေးမယူ ခဲ့ခြင်းကြောင့် အနာဂတ်တွင် ရာဇ၀တ်မှုများ၊ အကြမ်းဖက်များ၊ ဘာသာရေး အဓိကရုဏ်း၊ လူမျိုးရေးအဓိကရုဏ်းများအတွက် သမ္မတ ဦးသိန်းစိန်နှင့် ၎င်း၏အစိုးရအာဏာပိုင်တို့၏ တာဝန်သာလျှင်ဖြစ်ကြောင်း လေးစားစွာဖြင့် ရေးသားတင်ပြလိုက်ရပါသည်။

ကျွန်ုပ်တို့ အမိမြန်မာနိုင်ငံတော်၏ ပြည်သူပြည်သားများအားလုံး အကြမ်းဖက်မှု ဘေးအန္တရာယ်အမျိုးမျိုးမှ ကင်းဝေး၍ ကိုယ်၊ စိတ်၊ ၀ိညာဉ် သုံးပါးစလုံး အေးချမ်းသာယာကြပါစေကြောင်း ဆုမွန်ကောင်းတောင်းလျှက်။

လေးစားစွာဖြင့်

ဦးမောင်မောင်လှ

အထွေထွေ အတွင်းရေးမှူး

Burmese Muslim For Human Rights And Justice
3248 Park Lane
Hawthorne, CA 90250
United States of America
Phone: +1 310 980 9111
E-mail: paletwa@yahoo.com, secretarybmy@gmail.com
http://www.facebook.com/BurmeseMuslimYouthsForHumanRightsAndJustice

မိတ္တူကို
====

(၁) ဦးရွှေမန်း
ဥက္ကဌ
ပြည်သူ့လွှတ်တော်
နေပြည်တော်၊ မြန်မာနိုင်ငံ။

(၂) ဒေါ်အောင်ဆန်းစုကြည်
ဥက္ကဌ
ပြည်သူ့လွှတ်တော် တရားဥပဒေစိုးမိုးရေးနှင့် တည်ငြိမ်အေးချမ်းရေးကော်မတီ
နေပြည်တော်၊ မြန်မာနိုင်ငံ။

(၃) ကိုမင်းကိုနိုင်
ကျောင်းသားခေါင်းဆောင်
၈၈ မျိုးဆက်ကျောင်းသားများ
ရန်ကုန်မြို့၊ မြန်မာနိုင်ငံ။

(၄) အစ္စလာမ့်ဘာသာရေးခေါင်းဆောင်ကြီးများ
မြန်မာနိုင်ငံလုံးဆိုင်ရာ အစ္စလာမ်ဘာသာရေး အဖွဲ့ကြီး
ရန်ကုန်မြို့၊ မြန်မာနိုင်ငံ။

PDF ဖိုင်ဖြင့် ဒေါင်း၍ ဖတ်ချင်သူများအတွက် လင့်ခ်များ

http://www.scribd.com/doc/121670455/BMY-Statement
http://www.mediafire.com/view/?b3f5wywptbeebcg

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s